यसपालि भेनिस पुग्ने बित्तिकै ब्रेक लाग्यो । पहिलो दिन त्यहाँ पुगेपछि भागदौड नगर्ने, आरामले घुम्ने कुरा भयो । सुनेको तर कल्पना नगरेको यो सहर एकपटक घुमेर रहर नपुग्ने ठहर गरियो । त्यहाँ पुग्ने दशमध्ये नौको अनुभव पनि त्यस्तै रहेको पढेको थिएँ ।
सामान्यतया बिदा मनाउन जाँदा झन् बढी व्यस्त हुने चलन छ । समय थोरै, हेर्न पुग्नपर्ने धेरै । कहाँ बस्ने ? के के गर्ने ? कसरी घुम्ने ? हैरान । यो क्रम पानीजहाजमा जान थालेपछि अलि कम भएको थियो ।
