पछिल्लो समय बलिउड अभिनेता अभिषेक बच्चन आफ्नो ‘पर्सनल लाइफ’लाई लिएर चर्चामा छन्।
खास, उनको चर्चा चल्नुको कारण उनकी श्रीमती ऐश्वर्या राय बच्चन हुन्। उनीहरूबीचको सम्बन्ध ठिक नभएको बताइरहेको छ।
यतिसम्म खबर फैलिरहेको छ कि उनीहरू अहिले छुट्टिसकेका छन्। भलै, उनीहरूले आफ्नो वैवाहिक जीवनबारे केही बोलेका छैनन्।
यसै खबरकाबिच अभिषेकले एक पोस्ट सेयर गरेका छन्। सोसल मिडियामा सेयर गरेको त्यो पोस्टले अहिले सबै जनाको ध्यान तानिरहेको छ।
के गरे पोस्ट?
अभिषेक बच्चनले बिहीबार जनवरी–२५ मा आफ्नो इन्स्टाग्राम अकाउन्टको स्टोरीमा एक क्रिप्टिक पोस्ट सेयर गरेका छन्। उनले आनन्द चुलानीको एक उद्धरण सेयर गरेका छन्।
अभिषेक बच्चनको इन्स्टाग्राम स्टोरीमा लेखिएको छ, ‘असफलताको डरले तपाईंको सपनालाई नष्ट गर्नेछ। असफलताबाट पाठ सिकेर तपाईंको सपना साकार हुनेछ।’
अभिषेक बच्चन र ऐश्वर्या राय बच्चनबीच भइरहेको आनाकानीको कारण यो पोस्टले सबैको ध्यान खिचिरहेको छ। हुनत अभिषेकले आफ्नो व्यक्तिगत जीवनबारे चर्चा चलिरहँदा पहिलोपटक भने पोस्ट सेयर गरेका होइनन् यसअघि पनि उनले कयौं पोस्ट सेयर गरिसकेका छन्।
