बाँकेमा श्रीमान-श्रीमती घाँटी रेटिएको अवस्थामा फेला परेका छन्।
खजुरा गाउँपालिका वडा नम्बर–३ बी गाउँका २९ वर्षका महेन्द्र रावत र २७ वर्षकी रिता सिंह ठकुरी घाँटी रेटिएको अवस्थामा फेला परेका हुन्।
जिल्ला प्रहरी कार्यालय बाँकेका डिएसपी नारायण डाँगीले स्थानीयले श्रीमान-श्रीमती घरमा भित्रबाट कोठाको चुक्कुल लगाएर झगडा गरिरहेकाे खबर दिएको बताए।
‘खबर पाएपछि हामी त्यसतर्फ गर्यौँ तर त्यहाँ घाँटी रेटिएर रगताम्य भएको अवस्थामा भेटियो’ डाँगी भन्छन्, उनी के कारणले झैझगडा भयो भन्ने खुलेको छैन?’
यसअघि बाँकेको नेपालगन्ज उपमहानगरपालिका वडा नम्बर २१, विर्ता गाउँमा अन्दाजी २२ वर्षीय युवक मोहम्मद अरबी खाँको हत्या गरिएको अवस्थामा आइतबार बिहान १० बजेतिर शव फेला परेको थियो।
