चारदलीय समाजवादी मोर्चाले जनताको धेरै ठूलो त्याग र बलिदानबाट स्थापना भएको गणतन्त्रविरुद्धमा गरिएको षड्यन्त्रविरुद्ध चैत्र १५ गतेको आन्दोलन गर्ने निर्णय गरेको छ।
बुधबार एकीकृत समाजवादी को कार्यालय आलोकनगरमा बसेको मोर्चाको बैठकले १५ गतेको प्रदर्शनमा १ लाख शुभेच्छुक र समर्थक उतार्ने तयारी गरेको मोर्चाका नेता महेन्द्र राय यादवले बताए।
राजधानीका विभिन्न स्थानबाट निकालिएको जुलुस बिहान ११ बजे शान्तिबाटिकामा भेला हुने र त्यहाँबाट भृकुटी मण्डपमा पुगी आमसभामा परिणत गर्ने मोर्चाको तयारी छ।
त्यस्तै मोर्चाको बैठकले प्रदर्शनको नारासमेत तय गरेको छ। मोर्चाको नारामा कुलमान घिसिङ पनि थपिएका छन्।
.JPG)
