काठमाडौंमा राजावादी र गणतन्त्रवादी दुबैथरि समूहको प्रदर्शन सुरु भएको छ। राजसंस्थाका पक्षधरहरूले तीनकुनेमा प्रदर्शन सुरु गरेका छन् भने अर्कोथरि समाजवादी मोर्चाको प्रदर्शन र सभा भृकुटी मण्डपमा सुरु भएको छ।
एकअर्काको जुलुसतिर जान नदिन र सम्भावित मुठभेड रोक्नका लागि सुरक्षा संयन्त्र चुस्त पारिएको प्रशासनले जनाएको छ। दुबैलाई रिङरोडभित्रका मुख्य सडकहरूमा प्रदर्शन रोक लगाए पनि कतैकतै प्रदर्शनकारीहरूसँग प्रहरीको धकेलाधकेल भएको छ।
तीनकुनेमा भेला भएका राजावादी प्रदर्शनकारीहरू नयाँ बानेश्वरतिर आउन खोजेपछि प्रहरीसँग धकेलाधकेल भएको थियो। प्रहरीले तीनकुने पुलबाट बानेश्वरतिर प्रदर्शनकारीलाई छिर्न दिएको छैन।
.JPG)
