बिएल संवाददाता
काठमाडाैं
आजको समयमा चिया केवल एक पेय पदार्थ मात्र होइन। दिनको सुरुवात गर्ने र थकान मेटाउने माध्यम पनि बनेको छ।
चिया पिउनाले निद्रा हटाउँछ र व्यक्तिलाई सक्रिय बनाउँछ। कतिपय मानिसहरूले चियालाई हरेक दुखाइको औषधि मान्छन्।
उदाहरणका लागि– कसैलाई टाउकाे दुखेकाे छ वा तनाव भइरहेकाे छ भधने पनि मानिसहरू चिया पिउने गर्छन्।
तर के तपाईंलाई थाहा छ दिनमा चारदेखि पाँच पटक चिया पिउँदा शरीरमा के हुन्छ?
विज्ञहरू भन्छन् कि चियामा क्याफिन हुन्छ जसले थोरै मात्रामा मानसिक सतर्कता बढाउँछ र थकान हटाउँछ।
तर जब कुनै व्यक्तिले दिनमा चार देखि पाँच पटक वा सोभन्दा बढी चिया पिउँछ, त्यसैले शरीरमा क्याफिनको मात्रा बढ्छ जसले अनिद्रा, चिडचिडापन र टाउको दुखाइ जस्ता धेरै समस्याहरू निम्त्याउँछ।
विशेष गरी यदि कुनै व्यक्तिले राति चिया पिइरहेको छ भने, यसले निद्रालाई असर गर्छ।
धेरै चिया पिउनाले पेटको समस्या पनि बढ्न सक्छ। चियामा पाइने ट्यानिन नामक तत्वले फलामको अवशोषणमा बाधा पुर्याउँछ, जसले गर्दा शरीरमा बिस्तारै रगतको कमी हुन सक्छ। जसकारण रक्तअल्पताको जाेखिम बढाउँछ।
यदि कुनै व्यक्तिले दिनमा चार वा पाँच पटक चिया पिउँछ भने, ग्यास, एसिडिटी र भोक नलाग्ने जस्ता समस्याहरू उत्पन्न हुन सक्छन्।
यसबाहेक बारम्बार चिया पिउनाले मुखको स्वास्थ्यमा पनि असर गर्छ। दाँत पहेँलो हुन सक्छ र सबैभन्दा महत्त्वपूर्ण कुरा मधुमेह र मोटोपनको जोखिम पनि बढाउँछ।
महिलाहरूको लागि धेरै चिया पिउनु महिनावारी अनियमितता र हड्डी कमजोरीसँग जोडिएको छ। त्यसैले, विज्ञहरू यसलाई सीमित मात्रामा सेवन गर्नुपर्ने बताउँछन्।
चिया दिनमा एक पटक र बढीमा दुई पटक पिउन सकिन्छ। हरियो चिया, हर्बल चिया वा कागतीको चिया पिउनु राम्रो हुन्छ। यसले शरीरलाई ऊर्जा दिन्छ।
१ .
२ .
३ .
४ .
५ .
