मेरो जवाफ सुनेर ऊ मरिमरि हाँस्यो । कारण सोध्दा उसले दिएको जवाफ सुनेपछि पो म त झसंग भए ! किनभने, उसको जवाफ थियो– ‘चमेराले फुल नै पार्दैन !’

साँच्चै नै चमेरा चरा जस्तै उड्न सक्ने प्राणी हो, तर यो चरा भने पटक्कै  हैन । यो त विश्वको एक मात्रै उड्ने स्तनपायी जीव हो, जसले चरा जस्तै उडेपनि फुल पार्दैन, सिधैं बच्चा जन्माउँछ । फेरि यसले आफ्नो बच्चालाई दूध पनि खुवाउँछ । त्यति मात्र हैन, यसको चराको जस्तै अनुहार र चुच्चो हुँदैन, यसको अनुहार मूसाको जस्तो हुन्छ र चुच्चोको सट्टामा कुकुरका जस्ता तीखा धारिला दाँतहरु हुन्छन् । फेरि यसको शरीरमा चराको जस्तो प्वाँख नभएर रौं हुन्छन् । यो उड्ने भएकोले झट्ट देख्दा मान्छेहरु चरा भनेर झुक्किए पनि यो काट्टीकुट्टी चरासँग मिल्दैन ।