हाँस्य टेलिसिरियल ‘मेरी बास्सै’बाट बाहिरिएका बल्छी र राजु मास्टरसहितको टिमले नयाँ टेलिसिरियल ‘हल्का रमाइलो’ का साथ दर्शकमाझ आएको छन्।
नेपाल टेलिभिजनबाट हरेक आइतबार राति ८:५० बजे प्रशारण हुने गरी राजु पौडेल (राजु मास्टर) र मरिचमान श्रेष्ठ (बल्छी ध्रुबे)को लेखन तथा निर्देशनमा ‘हल्का रमाइलो’ दर्शकमाझ आएको हो।
टेलिसिरियलमार्फत सामाजिक कुरीतिहरुलाई जस्ताको तस्तै दर्शकमाझ प्रस्तुत गरिने ‘हल्का रमाइलो’को लेखक तथा निर्देशक मरिचान श्रेष्ठ (बल्छी ध्रुबे) बताए ।
यसअघि टेलिसिरियल भाद्र १ गते गतेबाटै प्रसारणमा ल्याउने निर्माण पक्षले तयारी गरेको भए पनि प्राविधिक कारणले भदौ २२ गतेबाट मात्र प्रसारणमा आएको जनाएको छ। निर्माण पक्षले टेलिसिरियलबारे सल्लाह र सुझावको अपेक्षासमेत राखेको छ ।
