अमेरिकाको हवाई राज्यको ओआहु टापुमा स्काइडाइभिङका लागि प्रयोग हुने एक यात्रुवाहक विमान दुर्घटना हुँदा विमानमा रहेका सबै नौजनाको मृत्यु भएको छ ।
विमानमा ६ जना कमर्चारी र तीनजना यात्रु रहेको बताइएको छ ।
द किङ एयरको विमान स्थानीय समयअनुसार शुक्रबार साँझ ६:३० बजे डिलिङ्घाम एएरफिल्ड नजिकै दुर्घटना भएको थियो ।
हवाई राज्यको यातायात विभागले दुर्घटना र मानवीय क्षतिको खबर पुष्टि गर्दै घटनाप्रति दुःख व्यक्त गरेको छ ।
दुर्घटनास्थल नजिकैबाट स्थानीय बासिन्दाले दुर्घटनाको खबर दिएपछि अग्नी नियन्त्रण विभागका कमर्चारीहरू उद्धारका लागि गएका थिए । तर, उनीहरू पुग्दा विमान पुरै जलेर नष्ट भइसकेको थियो ।
विमान दुर्घटनाको कारणबारे अनुसन्धान भैरहेको बताइएको छ ।
