अमेरिका-मेक्सिको सीमाक्षेत्रमा गस्ती गरिरहेको एक अमेरिकी डुंगामाथि गोलीप्रहार गरिएको छ ।
टेक्सासको फ्रन्टन क्षेत्रमा गस्ती गरिरहेको बेला मेक्सिकोतिरबाट गोली प्रहार गरिएको बताइएको छ ।
पचासौ राउण्ड गोलीप्रहार हुँदा डुंगामा क्षति पुगे पनि गस्तीमा रहेका अमेरिकी सुरक्षा कर्मचारीहरू सुरक्षित रहेको बताइएको छ ।
रियो ग्राण्डेमा रहेको मरिन स्टेसनले जनाएअनुसार मेक्सिकोतिर चारजना बन्दुकधारीहरू देखिएका थिए ।
घटनाका बारेमा अनुसन्धान भैरहेको बताइएको छ ।
