अमेरिकी राष्ट्रपति डोनल्ड ट्रम्पको आप्रवासी विरोधी नीतिलाई पक्षपोषण गर्ने एउटा नयाँ नियम घोषणा गरिएको छ । सोमबार घोषणा गरिएको ८३७ पृष्ठ लामो नियमले ग्रिनकार्ड र भिसाका आवेदनलाई अस्वीकार गर्ने सहज निकास दिएको छ ।
अक्टोबर मध्यदेखि लागु हुने गरी फेडरल रजिष्टरमा प्रकाशित नयाँ नियममा मेडिकेड, फुड स्ट्याम्प, आवास सुविधालगायतका सरकारी सुविधा लिनेको भिसा तथा ग्रिनकार्ड अस्वीकार गर्न सकिने छ । नयाँ नियमले कानुनी बाटोबाट अमेरिकामा आएर बस्न चाहने तर कम आम्दानी हुनेको बाटो बन्द गरिदिने छ ।
नयाँ नियमको पूर्ण पाठका लागि यहाँ क्लिक गर्नुहोस्
अमेरिकामा भिसा र ग्रिनकार्ड असहज बनाउने नयाँ नियम
नयाँ नियमले कागजपत्रविहिन आप्रवासी भने प्रत्यक्ष रूपमा प्रभावित हुने छैनन् । तर, कुनै कानूनी उपायबाट ग्रिनकार्ड आवेदन गरेमा भने उनीहरू पनि प्रभावित हुनेछन् ।
ट्रम्प प्रशासनले नयाँ नियमबाट अमेरिका आउने गरीव आप्रवासीको संख्यामा नाटकीय रुपमा कमी आउने र त्यसबाट अमेरिकी दायित्व कम हुने अपेक्षा लिएको छ ।
नयाँ नियमबाट तीनलाख ८३ हजार मानिस प्रभावित हुने अनुमान गरिएको छ ।
