छिमेकी मुलुक भारतले नेपाली सीमा मिचेको समाचार नयाँ लाग्न छोड्यो। जब मिचेकै सीमामाथि भारतले थप दमन गरिरहन्छ, नेपालमा निरन्तर समाचार बनिरहन्छन्। २०७६ कात्तिक तेस्रो हप्ता कालापानी क्षेत्रसमेत समेटेर भारतले नयाँ नक्सा सार्वजनिक गरेपछि नेपालमा ठूलो तरंग आएको छ। भारतीय नक्साले सरकारदेखि सडकसम्म एकैपटक तरंग सिर्जना भयो। नेपालमा एकपटक पुनः भारतविरुद्ध ठूलो संघर्ष चलिरहेको छ।