सरकार भन्छ– आत्मनिर्भर भयौं, विज्ञ भन्छन्– नाटक मात्रै हो !
प्रधानमन्त्री केपी शर्मा ओलीले आज (विहीबार) पशुजन्य उत्पादनमा नेपाल आत्मनिर्भर भएको घोषणा गर्दैछन्।
तर, प्रधानमन्त्रीको घोषणालाई सरकारकै आयात–निर्यातको तथ्यांक राख्ने भन्सार विभागको तथ्यांकले गिज्याएको देखिन्छ।
विज्ञहरुले प्रधानमन्त्रीको घोषणालाई ‘ सस्तो लोकप्रियताका लागि हतारमा गरिएको नाटक’को संज्ञा दिएका छन्।
कृषि तथा पशुपंक्षी मन्त्रालयलको आयोजनामा प्रधानमन्त्रीले गर्ने घोषणाको सत्यतामाथि नै भन्सार विभागको तथ्यांकले प्रश्न छोडेको छ– यो जस पाउने हतारो हो कि आत्मनिर्भर?
चालु आर्थिक वर्षको फागुनसम्मको अवस्थालाई नै हेर्ने हो भने नेपालमा झण्डै साढे ३ अर्बको पशुजन्य उत्पादन आयात भएको छ। यसमा अण्डा, माछा, मासु, पाउडर दूध, क्रिम, बटर र अन्य पशुजन्य उत्पादन पर्छन्।
