बिगबास लिग अन्तर्गत मेलवर्न स्टार्स विजयी भएको छ। वर्षाले प्रभावित खेलमा मेलवर्नले होबर्ट हुरिक्यान्सलाई ४ रनले पराजित गरेको हो।
वर्षाको कारण ११ ओभरमा छोट्टाइएको खेलमा हुरिकेन्सले ५ विकेट गुमाएर ६९ रन बनायो। उसका कलेब जेवेलले सर्वाधिक २६ रन बनाए। यस्तै कप्तान बेन मेक्डर्मटले १७ र सिमोन मिलेन्कोले १२ रनको योगदान गरे।
मेलबर्नका डेल स्टेन र नाथन कुण्टर नाइलले समान २/२ विकेट लिए।
त्यसपछि खेल हुने सम्भावना नरहेपछि डक वर्थ लुइस नियम अनुसार ७.३ ओभरमा ३ विकेट गुमाएर ५१ रन बनाउनुपर्नेमा मेलवर्नले ५५ रन बनाएकाले मेलवर्नलाई विजयी घोषित गरिएको थियो।
चार खेलमा तीन जित र एक हार व्यहोरेको मेलबर्न ६ अंकसहित तालिकाको दाेस्राे स्थानमा रहेको छ।
समान खेलमा हुरिकेन्स पाँचौं स्थानमा रहेको छ।