आईसीसी महिला टी–२० विश्वकप क्रिकेटमा भारतले विजयी सुरुवात गरेको छ।

सिड्नीमा शुक्रबार घरेलु टिम अष्ट्रेलियालाई १७ रनले पराजित गर्दै भारतले सुखद सुरुवात गरेको हो।  

सिड्नी शोग्राउण्ड स्टेडियममा भारतले दिएको १ सय ३३ रनको लक्ष्यसहित जवाफी ब्याटिङ गरेको अष्ट्रेलिया १९ ओभर ५ बलमा अलआउट हुँदै १ सय १५ रनमा समेटियो।

अष्ट्रेलियाका एल्स्या हेलीले ५२ रनको अर्धशतकीय इनिङ्स खेले पनि टोलीलाई जित दिलाउन सकिनन्। हेलीले ३५ बलमा ६ चौका र १ छक्का प्रहार गरेकी थिइन्। 

यस्तै अष्ट्रेलियाकी एश्लेग गार्ड्नेरले ३४ रन बनाइन् उनले ३६ बलको सामना गर्दै ३ चौका र १ छक्का प्रहार गर्दै ३४ रनको योगदान दिइन्।  

भारतका लागि पुनम यादबले ४ विकेट लिइन्। उनले ४ ओभर बलिङ गर्दै १९ रन दिएर ४ विकेट लिएकी हुन्। उनले १ ५क्का र १ चौका दिएकी थिइन्।

यस्तै शिखा पाण्डेलेद ३.५ ओभर बलिङ गर्दै १४ रन दिएर ३ विकेट हात पारिन्।

यसअघि टस हारेर पहिले ब्याटिङ गरेको भारतले २० ओभरमा १ सय ३२ रन बनाएको थियो। उसका लागि दिप्ती सहरमाले ४९ रनको ऐजित इनिङ खेलिन्। उनले १५ बलमा ५ चौका र १ छक्का प्रहार गरेकी थिइन्।

यस्तै शफाली बर्माले २९ जेमिमा रोड्रिगिउजले २६ रन को योगदान गरिन्। 

अष्ट्रेलियाको लागि जेस जोनासेनले २ एल्स्या पेरी र डेलिस्सा किम्मिंसले समान १/१ विकेट हात पारिन्।

जितसँगै समूह ए को भारतले महत्वपूर्ण २ अंक जोडेको छ।

विश्वकप अन्तर्गत शनिबार २ खेल हुनेछ। पहिलो खेलमा थाइल्याण्डले वेष्ट इण्डिजको सामना गर्ने छ भने दोस्रो खेलमा न्युजिल्याण्ड र श्रीलंकाले प्रतिस्पर्धा गर्ने छन्।