प्रधानमन्त्री केपी शर्मा ओलीले कार्यकालको शुरूआती दिनमा रेल र पानीजहाजका चर्का कुरा गरे । पानीजहाजको प्रसङ्ग ओलीको भाषणमा मात्रै सीमित भएन, सरकारले छुट्टै पानीजहाज कार्यालय नै स्थापना गर्यो ।
गत वर्ष फागुन २ गते ललितपुरको एकान्तकुनामा पानीजहाज कार्यालय उद्घाटन गर्दै प्रधानमन्त्री ओलीले अब केही महिनाभित्रै पानीजहाजको टिकट काट्न पाइने बताएका थिए । तर यसपालि फागुन २ गते कार्यालय खुलेको १ वर्षभइसक्दासम्म टिकट काट्ने यकिन मितिको अत्तोपत्तो छैन ।
