आयरल्याण्डविरुद्धको तीन खेलको टी २० क्रिकेट सिरिज अफगानिस्तानले जितेको छ।
भारतको नोएडामा आइतबार भएको दोस्रो टी २० मा २१ रनको जित निकाल्दै अफगानिस्तानले एक खेल अगाबै सिरिज २-० ले जितेको हो।
अफगानिस्तानले दिएको १ सय ८५ रनको लक्ष्य पछ्याएको आयरल्याण्डले २० ओभरमा ६ विकेट गुमाएर १ सय ६३ रन मात्र बनाउन सक्यो।
आयरल्याण्डका एन्डी बालब्रिनीले ४६ रन बनाए। उनले ३५ मा ५ चौका र १ छक्का प्रहार गरे। यता २९ बलमा ३ चौका र १ छक्का प्रहार गरेका ह्यारी टेक्टरए ३७ रन बनाए यस्तै केभिन ओ ब्रायनले १९ रन बनाउदा अन्यले राम्रो खेल प्रर्दशन गर्न सकेनन।
अफगानिस्तानका मुजिब उर रहमानले ३ विकेट लिए।
यसअघि टस जितेर पहिले ब्याटिङ गरेको अफगानिस्तानले २० ओभरमा ४ विकेट गुमाएर १ सय ८४ रन बनाएको थियो। उसका अस्घर अफगानले ४९ रन जोड्दा रहमान उल्लाहले ३५ रन जोडे।
जितसँगै तीन खेलको सिरिजमा अफगानिस्तानले २-० को अग्रता समेत बनाएको छ।
