बारामा लकडाउन उल्लंघन गर्ने एक समूहले प्रहरीमाथि कुटपिट गरेको छ।
बाराको परवानीपुर गाउँपालिका ५ गण्डक चोकमा क्रिकेट खेलिरहेको ८/९ जनाको समूहलाई सम्झाउने क्रममा प्रहरीमाथि कुटपिट भएको जिल्ला प्रहरी कार्यालय बाराले जानकारी दिएको छ।
प्रहरीका अनुसार लकडाउनको समयमा क्रिकेट नखेल्न सम्झाउँदा परवानीपुर गाउँपालिका ५ नौतन बहुअरीका २७ वर्षका गणेशकुमार साहले प्रहरीलाई क्रिकेटको ब्याटले हिर्काएका थिए।
ब्याटले लागेर एक प्रहरी हवल्दार घाइते भएका छन्। साहलाई पक्राउ गरी अनुसन्धान सुरु गरिएको प्रहरीले जानकारी दिएको छ।
.jpg)
