बलिउडमा कोरोना संक्रमितको संख्या बढ्न थालेको छ। बलिउड महानायक अमिताभ बच्चनबाट शनिबारदेखि सुरु भएको कोरोना संक्रमणको प्रभाव रेखा हुँदै अनुपम खेरको घरमा पनि पुगेको छ।
शनिबार अमिताभ र उनको छोरा अभिषेकलाई कोरोना संक्रमण देखिएको थियो। यसपछि रेखाको घरमा भएको सुरक्षाकर्मीमा कोरोना संक्रमण फेला परेको थियो भने अहिले अनुपम खेरको आमा दुलारी, भाई राजु तथा भाउजु र भतिजाहरूमा पनि कोरोना सकारात्मक देखिएको छ।
अनुपमले यसको जानकारी आफ्नो ट्वीटर अकाउन्टबाट दिएका थिए। अनुपमको रिपोर्ट भने नेगेटिभ आएको छ।
