वीरगञ्जमा थप एक कोरोना संक्रमितकाे मृत्यु भएको छ।
गण्डक अस्पतालको आइसोलेसनमा उपचाररत ६८ वर्षीय पुरुषको बुधबार बिहान पौने ११ बजेतिर मृत्यु भएको हो।
मृतक पुरुष वीरगञ्ज महानगरपालिका ५ रेशकोठी निवासी हुन्।
नारायणी अस्पतालका मेडिकल सुपरिटेन्डेन्ट डा. मदनकुमार उपाध्यायका अनुसार मुटुमा समस्या देखिएपछि उनी पछिल्लो ६ दिनदेखि गण्डकको आइसोलेसनमा उपचाररत थिए।
उनको शव व्यवस्थापनको लागि नेपाली सेनालाई जिम्मा लगाइएको अस्पताले जनाएको छ।
पर्सामा हालसम्म एक भारतीयसहित ७ कोरोना संक्रमितको मृत्यु भइसकेको छ।
