पाकिस्तानले आज ७४ औं स्वतन्त्रता दिवस मनायो

पाकिस्तानले आफ्नो ७४ औं स्वतन्त्रता दिवस मनाएको छ। स्वतन्त्रता दिवसको अवसरमा काठमाडौंस्थित पाकिस्तानी दूतावासले आज आफ्नो परिसरमा झन्डात्तोलन गर्दै मनाएको हो ।

कार्यक्रममा नेपालका लागि पाकिस्तानी राजदूत डा. मजहर जावेदले पाकिस्तानको राष्ट्रिय झण्डा फहराएका थिए।

कार्यक्रममा पाकिस्तानका राष्ट्रपति डा.अरिफ आलभी र प्रधानमन्त्री इमरान खानको सन्देश पढेर सुनाइएको थियो ।

सन्देशमा प्रधानमन्त्री खानले जम्मु–कश्मिर समस्या राजनीतिक र कुटनीतिक आधारमा सामाधान हुनुपर्ने धारणा राखेका थिए।

नेपालका लागि पाकिस्तानी राजदूत जावेदले कश्मीर समस्या र काश्मीरका नागरिकले भोग्नु परेको समस्याको बारेमा धारणा राख्दै उनले १९६० मा स्थापित भएको नेपाल पाकिस्तानको कुटनीतिक सम्बन्ध सुमधुर रहेको बताए।

यता, नेपालका लागि परराष्ट्रमन्त्री प्रदीप ज्ञवालीले नेपाल र पाकिस्तानबीच सम्बन्ध सदैव सुमधुर रहने विश्वास व्यक्त गर्दै स्वतन्त्रता दिवसको अवसरमा शुभकामना सन्देश दिएका छन्।

हेर्नुहोस् मन्त्रीको सन्देश यस्तो छ।

प्रकाशित मिति: : 2020-08-14 12:49:10

प्रतिकृया दिनुहोस्