उच्च जोखिम, उच्च प्रतिफल भन्ने व्यावसायिक सिद्धान्तको अनुसरण गरेकै कारण आफ्नो अहिलेको स्थान बनेको बताउँछन्, उद्योगी चन्द्र ढकाल ।
वाणिज्य बैंकको जागिरमा रहेकै बखतमा आफ्नो व्यवसाय सुरु गर्ने निर्णय लिएर जागिर असुरक्षित रहन सक्ने जोखिम उठाएका थिए । आफ्नो व्यवसाय विस्तार गर्न आफैँले काम गरेको बैंकबाट ऋण माग्ने जोखिम पनि लिएका थिए उनले ।
ऋण पाउनका लागि जागिर छोड्नुपर्ने हाकिमको सर्त पनि पालना गरेर हुँदाखाँदाको जागिर मात्रै छोडेनन्, त्यही जागिरका कारण परिवारले दिएको स्वाबासी पनि गुम्ने डर ।
बागलुङकाे अमलाचौर स्थायी घर भएका ढकाल गाउँमा रहँदा चोया काडेको, डोको बुनेको, नाम्लो बुनेको पनि अनुभव बटुलेका छन् । तर, अहिले उनलाई नेपालका धनाढ्यहरूको सूचीमा अग्रस्थानमा मानिन्छ ।