शैलेन्द्र रोकाय

जिल्लाको दुर्गम साईपाल गाउँपालिकामा रहेको सीमा प्रहरी चौकी धुलीमा रहेका सबै प्रहरी प्रहरीलाई खाद्यान अभाबका कारण छाक टार्न समस्या भएको छ । जिल्लाबाट चार दिनको पैदल दुरीमा रहेको धुली प्रहरी चौकीमा रहेका प्रहरीहरुलाई खाद्यानको अभाब भएपछि गाउँलेसँग पंैचो मागेर बिहान बेलुकाको छाक टारिरहेका छन् ।
सदरमुकाम चैनपुरबाट भेडा तथा खच्चरमा खाद्यन्न ढुवानी गरिदै आएको भए पनि सीमा प्रहरी चौकी धुलीमा कार्यरत प्रहरीहरुलाई आवश्यक खाद्यन्न समयमै भण्डारण नगरिएका कारण खाद्यान्न अभाव भएको हो । चार महिना बाक्लो हिउँ पर्ने तथा बर्षायाममा समेत पहिरोले बाटो अबरुद्ध हुने भएकाले यहाँक बासिन्दा उपयुक्त सिजनमा बर्ष भरिका लागि खाद्यान्न खरिद गरेर भण्डारण गर्ने गर्दछन् । तर प्रहरी चौकीमाभने समयमा रासनको पैसा निकासा नहुने, निकासाभई हाले नगददिने गरेको र बाटो तथा ढुवानीको समस्याहुने भएका कारण पनि खाद्यान्न समास्या भएको हो ।
सीमा प्रहरी चौकी धुलीमा कार्यरत प्रहरी हवल्दार जयबहादुर तिरुवाले भन्न्नुभयो, ४०, ४५ जिल्लामापुगे तर यस्तो समस्या कहिल्यै भएन् । संकटकालको भन्दा बढी दुख पाएका छांै । उहाँले भन्नुभयो , “संकट कालमा त खानाका लागि त पाईन्थ्यो, तर यहाँ पैसा भएर पनी खाद्यान्न पाइँदैन । खाद्यान्न आउने भनेको भेडा खच्चडबाट नै हो । अहिले जेतनतेनगाउँलेहरुसँग पैँचो मागेर छाक टारिरहेका छौ । ”