दुई अध्यक्षीय प्रणालीसहित नेपाल कम्युनिष्ट पार्टी (नेकपा) गठन भएको निक्कै लामो समयपछि अध्यक्ष प्रचण्डले कार्यकारी अधिकारसहित पार्टी हाँक्ने जिम्मेवारी प्राप्त गरेका छन् । त्यो जिम्मेवारी प्राप्त हुनुअघि नेकपाभित्र ‘विधि र पद्दति’ लागू गर्ने नाममा निक्कै ठूलो विवाद र बहस चलेको थियो, झन्डै पार्टी नै विभाजित हुने पो हो कि भन्ने आशंकको हदसम्म । यो पृष्ठभूमिमा कार्यकारी अध्यक्षको जिम्मेवारी प्राप्त गरेका अध्यक्ष प्रचण्डले पार्टीलाई कसरी हाँकेर लैजाने सोच्दैछन् ?
प्रचण्ड बहुमतका साथ इतिहासमा नै एकमना सरकार चलाउने अभूतपूर्व अवसर प्राप्त गरेको छ नेपाल कम्युनिष्ट पार्टी (नेकपा) ले । तर सरकारका कामकारवाही र उपलब्धिहरु हेर्दा जनतामा आशा र विश्वास जगाउन सकेको भने देखिँदैन । सरकारको काम कारवाहीलाई लिएर आम जनतामा निराशा र रोष व्याप्त छ । यसबारे स्वयं अध्यक्ष प्रचण्डको मूल्यांकन के छ ? यो स्थितिबाट पार पाउनको लागि के सोच्दैछ र गर्दैछ नेकपाले ?
