साविक विजेत मुम्बई इन्डियन्सले इन्डियन प्रिमियर लिग (आइपिएल) अन्तर्गत आइतबार साँझ भएकाे खेलमा सनराइजर्स हैदराबादलाई ३४ रनले पराजित गर्दाे तेस्राे जित निकालेकाे छ।
मुम्बईले दिएकाे २ सय ९ रन रनकाे लक्ष्य पछ्छाएकाे हैदराबाद निर्धारित २० ओभरमा ७ विकेट गुमाउँदै १७४ रनमा समेटियाे।
हैदराबादका लागि कप्तान डेभिड वार्नरले ६० रनको अर्धशतकीय इनिङ्स खेलेपनि हैदराबादलाई जित दिलाउन सकेनन्। उनले ४४ बलमा ५ चाैका र २ छक्का प्रहार गरेका थिए।
मनिष पान्डे ३० रनमा क्याच आउटभए। पान्डेले १९ बलमा ४ चौका र १ छक्का प्रहार गरे।
यता ओपनर जोनी बेयरस्टो २५ रनमा क्याच आउट भए। बेयरस्टोले १५ बलमा २ चौका र २ छक्का प्रहार गरे। ९ बलमा १ चौका र २ छक्का प्रहार गरेका अब्दुल सामद २० रनमा क्याच आउट भए।
जेम्श प्याटिनसनले ४ ओभरमा २९ रन खर्चेर २ विकेट लिए। ट्रेन्ट बोल्टले ४ ओभरमा २८ रन खर्चेर २ विकेट लिए। क्रुनाल पान्ड्याले ४ ओभरमा ३५ रन खर्चेर १ विकेट लिए। जसप्रित बुमराहले ४ ओभरमा ४१ रन खर्चेर २ विकेट लिए।
यसअघि शारजाहमा टस जितेर ब्याटिङ रोजेको मुम्बईले निर्धारित २० ओभरमा ५ विकेटको क्षतिमा २ सय ८ रन बनायो। काइरन पोलार्ड १३ बलमा ३ छक्का सहित २५ रनमा अविजित रहे। क्रुनाल पान्ड्या ४ बलमा २ चौका र २ छक्का सहित २० रनमा अविजित रहे।
यस्तै इशान किसनले ३१ रनमा आउट भए। किशनले २३ बलमा २ छक्का र १ चौका प्रहार गरे। हार्दिक पाण्डयले २८ रन जोड्दा सूर्यकुमार यादव २७ रनमा आउट भए। पान्ड्याले १९ बलमा २ चौका र २ छक्का प्रहार गरे।
कप्तान रोहित शर्मा ६ रनमा आउट भए।
राशिद खानले ४ ओभरमा २२ रन खर्चेर १ विकेट लिए। सन्दीप शर्माले ४ ओभरमा ४१ रन खर्चेर २ विकेट लिए।
लगातार योर्कर फाल्दै मुम्बईलाई दबाबमा राखेका टि नटराजनले विकेट लिन नसकेपनि ४ ओभरमा २९ रन खर्चेका थिए।
सिद्धार्थ कौलले ४ ओभरमा ६४ रन खर्चेर २ विकेट लिए।
.jpg)
.JPG)
