उपराष्ट्रपति पदका लागि चारै जनाको उम्मेदवारी कायम

बिएल संवाददाता

काठमाडौं

• • •

उपराष्ट्रपतिकाे निर्वाचनका लागि चार जनाको उम्मेदवारी कायम भएको छ।

आइतबार निर्वाचन अधिकृतको कार्यालयले आगामी चैत ३ गते हुने उपराष्ट्रपति पदको निर्वाचनका लागि मनोनयन दर्ता भएका उम्मेदवारहरूको अन्तिम नामावली प्रकाशन गर्दै चार जनाको उम्मेदवारी कायम रहेको जनाएको छ।

निर्वाचन आयोगले दिएको समयावधिसम्म कसैले पनि नाम फिर्ता नलिएपछि ४ जनाकै उम्मेदवारी कायम रहेको हो। जनता समाजवादी पार्टी (जसपा)बाट उम्मेदवारी दिएका दुई जनाकै उम्मेदवारी कायम भएकाे छ।

उपराष्ट्रपति पदका लागि नेकपा एमालेबाट अष्टलक्ष्मी शाक्य, जसपाबाट रामसहाय यादव र प्रमिला कुमारी यादव तथा जनमत पार्टीबाट ममता झाले उम्मेदवारी दिएका थिए।

• • •