नेपालमा पछिल्लो २४ घण्टामा थप १ हजार ७ सय ४१ जना कोरोना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार काठमाडौं उपत्यकामा ८ सय ९४ सहित १ हजार ७ सय ४१ जना कोरोना संक्रमित थपिएका हुन्।
सोमबार काठमाडौंमा ६ सय ७३, भक्तपुरमा ७६ र ललितपुरमा १४६ जनामा कोरोना पुष्टि भएको छ।
संक्रमित हुनेमा ५ सय १५ पुरुष र ३ सय ८० महिला रहेको मन्त्रालयले जानकारी दिएको छ।
मन्त्रालयले हाल काठमाडौंमा १८ हजार ३ सय ७४, भक्तपुरमा १ हजार ४ सय ३५ र ललितपुरमा २ हजार ५ सय २० जना सक्रिय संक्रमित रहेको जनाएको छ।
यससँगै नेपालमा कोरोना संक्रमितको संख्या १ लाख ५९ हजार ८ सय ३० पुगेको छ। २ हजार ९ सय ६९ जना क्वारेन्टाइनमा छन्।
आज ४ हजार पाँच जना कोरोना संक्रमित डिस्चार्ज भएका छन्।
हालसम्म डिस्चार्ज हुनेको संख्या १ लाख १५ हजार ६ सय ७५ पुगेको छ।
पछिल्लो २४ घण्टामा थप १५ जनाको कोरोनाबाट मृत्यु भएको छ। यससँगै ज्यान गुमाउनेको संख्या ८ सय ६२ पुगेको छ।
