बाँकेमा तीन दिनको अवधिमा ८ जनाको कोरोना संक्रमणका कारण मृत्यु भएको छ । शनिबारदेखि सोमबारसम्म दुई अस्पतालमा उपचार गराइरहेका ८ संक्रमितको ज्यान गएको हो ।
दशैँको समयमा केही कम भएको मृत्युदर पछिल्ला केहीदिनयता निकै बढेको हो । जिल्ला स्वास्थ्य कार्यालय बाँकेका अनुसार तीन दिनको अवधिमा कोरोनाका कारण मृत्यु हुनेमा बाँके जिल्लाका मात्रै ४ जना छन् ।
कोरोना फोकल पर्सन नरेशबाबु श्रेष्ठले बाँकेमै दाङका तीन र कैलालीका एक जनाको कोरोनाबाट मृत्यु भएको बताए ।
उनले शनिबार ३ जना, आइतबार ४ जना र सोमबार एकजनाको ज्यान बताए । सोमबार नेपालगञ्ज उपमहानगरपालिका २ की ६७ वर्षीया महिलाको मृत्यु भएको थियो । उनी जनप्रतिनिधि समेत हुन् ।
उनलाई ३ असोजमा कोरोना संक्रमण भएको थियो । उनलाई स्वासप्रस्वास सम्बन्धी समस्या रहेको श्रेष्ठले बिएल नेपालीसेवालाई जानकारी दिए ।
आइतबार मृत्यु हुनेमा दाङ तुलसीपुर उपमहानगरपालिका ९ का ४८ वर्षका पुरुषको भेरी अस्पतालमा, बिहान साँझ ५ बजे भेरीमै नेपालगन्ज उपमहानगरपालिका १६ की ७० वर्षीया महिला, राति १ बजे कैलालीको टीकापुर नगरपालिका १ का ६० वर्षीयका पुरुषको भेरीमै मृत्यु भएको थियो । भने साँझ खजुरा गाउँपालिका ३ बीगाउँका ४० वर्षीय पुरुषको पनि मृत्यु भएको थियो ।
शनिबार नेपालगञ्ज मेडिकल कलेज शिक्षण अस्पताल कोहलपुरमा उपचारको क्रममा दाङ घोराही उपमहानगरपालिका ४ का ७० वर्षीय पुरुषले कोरोनाका कारण ज्यान गुमाए । यस्तै तुलसीपुर उपमहानगरपालिका १८ का ७० वर्षीय पुरुष र नेपालगञ्ज उपमहानगरपालिका २० की ६० वर्षीया महिलाकोे मृत्यु भएको हो ।
योसँगै बाँके जिल्लामा कोरोनाबाट मृत्यु हुनेको संख्या ३२ पुगेको छ । बाँके जिल्लामा कोरोनाबाट मृत्यु हुने संख्या ३४ र भने बाहिरी जिल्लाबाट उपचार गर्न आएका २१ गरी ५५ जनाले कोरोनाबाट ज्यान गुमाइसकेका छन् । बाँकेमा सोमबारमात्रै ५३ जनामा कोरोना संक्रमण पुष्टि भएको थियो ।
