स्वतन्त्र उम्मेदवारहरूको माहोल यसपालिको चुनावमा गज्जब छ। युवाहरूमा चासो लिएर केही गर्ने हुटहुटी देखिन्छ। म संसद हुन योग्य छु भन्ने आत्मविश्वासका साथ राजनीतिमा आउन खोज्नु सबै हिसाबले स्वागतयोग्य छ।
राजनीतिमा युवाहरूको आगमनले यथास्थितिलाई टक्कर त दिन्छ नै, स्थापित दलहरूलाई पनि आफ्नो राजनैतिक संस्कृति परिवर्तन गर्न दबाव पनि दिन्छ। अर्कोतर्फ यस किसिमको क्रियाशीलताले स्थापित राजनैतिक पार्टीमा लागेका युवाहरूको स्पेस पनि फराकिलो पार्छ। त्यसैले देश, इतिहास, अर्थतन्त्र, प्रशासनलगायत आधारभूत राजनैतिक पाटो बुझेर अवस्था बदल्न सक्छु भन्ने आँट गरेर चुनावमा होमिएका सम्पूर्ण स्वतन्त्र उम्मेदवार धन्यवादको पात्र छन्।