पचासको दशकमा नेपालको शिक्षा क्षेत्रमा आस्थाको आधारमा बहुयुनियनको अभ्यास गरियो। सो अभ्यास सदस्यहरूको हकहितको लागि प्रत्युत्पादक रह्यो। सरकारले पनि शिक्षा प्रशासनमा समस्या भएको महसुस गर्दै सबै संगठनहरू अटाउने ‘नेपाल शिक्षक युनियन’ गठन गर्ने व्यवस्था कानुनी ढङ्गले नै गर्यो।
करिब १० वर्ष नेपाल शिक्षक युनियनको अभ्यास गरी बाहिर रहेका थप संगठनहरूलाई समेत समेटेर हालको ‘नेपाल शिक्षक महासंघ’ गठन गरेको पनि एक दशक हुन लागेको छ। अस्थायी शिक्षक लगायतका केही समस्या यो चरणमा हल गरिएका छन्। तर अन्य विकराल समस्या ज्यूँ का त्यूँ रहेका छन्।
