थोमस एडिसन संसारकै अग्र आविष्कार मानिन्छन्। सन् १९३१ मा निधन भएका एडिसनले अमेरिकामा मात्रै आफ्नो नाममा १ हजार भन्दा बढी ‘प्याटेन्ट’ दर्ता गराए। कलेजको मुख नदेखेका थोमसले ध्वनि रेकर्डिङ, मोसन पिक्चर, इलेक्ट्रिकल पावर जेनेरेटरदेखि इलेक्ट्रिक लाइट बल्ब (बिजुलीको चिम) आविष्कार गरे भन्दा पत्याउन कठिन हुन्छ। अनि अन्वेषणलाई केबल आविष्कारका रूपमा मात्र कुज्याएर राखेनन् बरु आफ्ना नवीन उपलब्धिलाई व्यापारिक प्रयोजनकालागि पेटेन्ट पनि गरे उनले। 

आफ्नो आविष्कारको स्वाद सबैले पाउन् भन्ने सोचकासाथ उनले स्वयम्को अग्रतामा आफ्नो सफलतालाई व्यावसायीकरण गरे। स्वयम्कै अग्रसरतामा एडिसनले अनुसन्धानात्मक सुविधासहितको १४ कम्पनी स्थापना गरे। धेरै धन पनि कमाए। माइनिङ इन्डस्ट्रिजदेखि जेनरल इलेक्ट्रिक (जि इ) कम्पनीसम्मका जन्मदाता एडिसनको दिउँसो कामको समयमा उग्ने (न्याप) अचम्मको बानी थियो।