भारतले पाकिस्तानमा आक्रमण गरेपछि अमेरिकी राष्ट्रपति डोनाल्ड ट्रम्पले उक्त घटनालाई लाजमर्दो भएको टिप्पणी गरेका छन् ।
बुधबार ओभल अफिस प्रवेश गर्ने क्रममा सञ्चारकर्मीहरूसँग कुराकानी गर्दै राष्ट्रपति ट्रम्पले तनाव चाँडै अन्त्य हुनेमा आफू विश्वस्त रहेको बताए।
उनले भने, ‘यो लाजमर्दो कुरा हो। मलाई लाग्छ, मानिसहरूलाई लडाईं हुन सक्ने अनुमान पहिले नै थियो। म आशा गर्छु, यो तनाव चाँडै अन्त्य हुन्छ।’
गत अप्रिल २२ मा कश्मीरको पहलगाममा २७ जनाको ज्यान जाने गरी भएको आतङ्ककारी आक्रमणको बदलामा भारतले बुधबार पाकिस्तानका आतंकवादी अड्डामा हवाई आक्रमण गरेको दाबी गरेको छ।
.JPG)
