प्रमुख तीन दलका शीर्ष नेताहरूबीचको छलफल सिंहदरबारमा जारी छ।
यता प्रधानमन्त्री ओली र कांग्रेस सभापति देउवासँग छलफल गर्नुअघि माओवादी केन्द्रका अध्यक्ष प्रचण्डले नेकपा एसका अध्यक्ष माधवकुमार नेपालसँग छलफल गरेका थिए।
माओवादी संसदीय दलको बैठकलगत्तै सिंहदरबारमा दुई नेताबीच छलफल भएको थियो। भेटमा माओवादी वरिष्ठ उपाध्यक्ष नारायणकाजी श्रेष्ठ र नेकपा एसका नेता प्रमेश हमाल पनि सहभागी थिए।
नेकपा एसभित्र गृहमन्त्रीको राजीनामा माग्ने निर्णय नभएको, सदनमा बोल्न दिनुपर्ने र आफूहरू माओवादी र रास्वपाको मार्केट लिने दाउमा नमिसिने माग बढ्दै गएपछि भएको दुई शीर्ष नेताहरूबीचको छलफललाई अर्थपूर्ण रुपमा हेरिएको छ।
विपक्षी गठबन्धनमा आएको खटपट देखिएपछि गृहमन्त्रीबारे थप निर्णय गर्न मंगलबारका लागि विपक्षी दलको बैठक पनि बोलाइएको छ।
माणवादीले भने गृहमन्त्रीको राजीनामा नआएसम्म संसद चल्न नदिने अडान कायमै राखेको छ।
.JPG)