नेपाल क्रिकेट संघकी पूर्व सदस्य रिचा श्रेष्ठको स्मृतिमा आइतबारदेखि अस्ट्रेलियाको मेलबर्नमा ‘नोबल रिचा मेमोरियल क्रिकेट प्रतियोगिता’ सुरु भएको छ।
अस्ट्रेलियामा रहेको नेपाली समुदायको आठवटा टिम सहभागी यस प्रतियोगिता सगरमाथा सिसी र भिएनअएको संयुक्त आयोजनामा हुँदैछ।
प्रतियोगिताको समूह ‘ए’ मा एक्सपर्ट सिसी, आरआरसिसी ए, एसएजी ब्रिलियन्ट, टिएचसी समावेश रहेको छ भने समूह ‘बी’ मा एससिसी ए, आरआरसिसी बी, नरे किङ्स र गोर्खाली सिसी रहेको छ।
पहिलो दिन भएको खेलमा नरे किङ्स विजयी भयाे।
नरेले पहिलो खेलमा आरआरसिसी ‘बी’ लाई ९ विकेटले पराजित गर्यो। नरेको जितमा ‘म्यान अफ दि म्याच’ किरन कण्डेलले ४९ रन बनाए।
पहिलो ब्याटिङ गरेको आरआरसिसी ‘बी’ ले २० ओभरमा ४ विकेटको क्षतिमा ९३ रन बनायो। प्रत्युत्तरमा किरनको विस्फोटक ब्याटिङका कारण १२ दशमलव २ ओभरमा जितलाई आत्मसाथ गर्यो।
रिचाकाे केही महिनाअघि अस्ट्रेलियामै असमायिक निधन भएकाे थियाे।
