नेकपाका प्रभावशाली नेता सुरेन्द्र पाण्डेको निर्वाचन क्षेत्रमा भएको उपनिर्वाचनमा सत्तारूढ नेकपा पराजय भएको छ ।
चितवन निर्वाचन क्षेत्र नः १ मा पर्ने खैरहनी नगरपालिकाको वडा नम्बर ४ र ५ को अध्यक्षमा नेपाली कांग्रेसका उम्मेद्वार विजयी भएका छन्।
खैरहनी नगरपालिका-४ (चितवन) : देवबहादुर बस्नेत- ११३८ (कांग्रेस/विजयी) बेद बहादुर अधिकारी- ९८६ (नेकपा)
खैरहनी नगरपालिका-५ (चितवन) : प्रतिमा कार्की- ८४२ (कांग्रेस/ विजयी) कूल नारायण प्रधान- ७५६ (नेकपा)
निर्वाचन आयोगले सार्वजनिक गरेको पछिल्लो परिणामअनुसार वडा नम्बर ४ मा कांग्रेसका देवबहादुर बस्नेतले नेकपाका बेदबहादुर अधिकारीलाई १५२ मतले पराजित गरेका छन् । बस्नेतले ११३८ मत ल्याउँदा अधिकारीले ९८६ मत पाएका छन् ।
यसैगरी वडा नम्बर ५ कांग्रेसकी प्रतिमा कार्कीले नेकपाका पुननारायण प्रधानलाई ८६ मत अन्तरले पराजित गरेकी छन् । कार्कीले ८४२ मत पाइन् भने प्रधानले ७५६ मत पाए ।
यसअघि दुबै वडामा कांग्रेस विजयी भए पनि त्यतिबेला एक्लै एमालेका उम्मेद्वार अहिलेको भन्दा झिनो मतले पराजित भएका थिए । तर, यसपटक एकीकृत नेकपाका उम्मेद्वार पहिलेभन्दा पनि फराकिलो मतान्तरले पराजित भएका छन् ।
