अष्ट्रेलियाले स्थायी बासिन्दाको अनुमतिपत्र 'पीआर' लिन लागु गरिएको ‘पोइन्ट’ अंक सिस्टममा ठुलो फेरबदल गरेको छ। यो नयाँ सिष्टमबाट अष्ट्रेलियामा रहेका नेपाली पनि प्रभावित हुने भएका छन्।
दक्ष आवेदकलाई प्रोत्साहन गर्न ल्याइएको नयाँ नीतिअनुसार दक्ष जोडीले थप अंक पाउने छन् भने एकल दक्ष आवेदक समेत लाभान्वित हुनेछन्।
यसअघि दक्ष जोडीले ५ अंक पाउँदै आएकोमा अब थप १० अंक पाउँनेछन्। अंग्रेजीमा दक्ष भए उनीहरूलाई थप ५ अंक दिइने छ। यसैगरी दक्ष एकल आवेदकलाई १० अंक थप दिइने छ।
दुर्गमका राज्य तथा सरकारले आवेदकलाई स्पोन्सर गरेमा १५ अंक दिइने छ यसअघि त्यस्ता आवेदकलाई १० अंक दिइदै आइएको थियो।
