अमेरिकाको पेन्सेल्भेनिया राज्यको फिलाडेल्फियामा भएको गोलीबारीमा कम्तिमा पनि पाँचजना प्रहरी अधिकृतहरू घाइते भएका छन् । उनीहरूको स्थानीय टेम्पल युनिभर्सिटी मेडिकल हस्पिटलमा उपचार भैरहेको बताइएको छ ।
लागूपदार्थ नियन्त्रण इकाइमा कार्यरत प्रहरी अधिकृतहरूमाथि फिलाडेल्फियाको डाउनटाउननजिकै टोगा नाइसटाउनमा आक्रमण गरिएको हो ।
यो समाचार तयार पारिरहेको अमेरिकी पूरवीसमयानुसार साँंझ ६ बजेर ३० मिनेट गएको बेला पनि त्यहाँ आक्रमणकारीले गोली चलाइरहेको एक प्रहरी अधिकारीले बताएका छन् । आक्रमणकारी एकजना छ कि धेरै छन् केही भन्न नसकिने बताउँदै उनले सर्वसाधरणलाई घरबाहिर ननिस्कन पनि अनुरोध गरेका छन् ।
घटना के कारणले भएको हो अनुसन्धान जारी रहेको बताइएको छ ।
