पछिल्लो २४ घण्टामा नेपालमा थप ४८२ जनामा कोरोना संक्रमण पुष्टि भएको छ। बुधबार स्वस्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा. जागेश्वर गौतमले देशभरका प्रयोगशालामा गरिएको परीक्षणमा थप ४८२ जनाको पीसीआर रिपोर्ट पोजिटिभ आएको बताए।

आज संक्रमित हुनेमा ११७ जना महिला र ३६५ पुरुष रहेका छन्। योसँगै नेपालमा कुल संक्रमितको संख्या १४ हजार ४६ जना रहेका छन्।

हालसम्म देशभर कोरोना संक्रमणको उपचारपछि ४ हजार ६ सय ५६ जना डिस्चार्ज भएका छन्। आज एकै दिन  १४६२ जना डिस्चार्ज भएका हुन्।