इंग्लिस प्रिमियर लिग फुटबल अन्तर्गत सिजनको आफ्नो अन्तिम खेलमा म्यानचेस्टर सिटीले फराकिलो जित निकालेको छ।
सिटीले आइतबार राति भएको खेलमा रेलिगेसनमा परेको नर्विच सिटीलाई ५-० गोल अन्तरले पराजित गरेको हो।
सिटकाे जितमा केभिन डी ब्रुएनले दुई गोल गरे। यस्तै ग्राबियल जिसस, रियाद महरेज र रहिम स्ट्रर्लिङले एक/एक गोल गरे।
खेलको ११ औं मिनेटमा जिससले गोल गर्दै सिटीलाई अग्रता दिलाएका थिए। ४५ औं मिनेटमा ब्रुएनले,७९ औं मिनेटमा स्ट्रर्लिङले, ८३ औं मिनेटमा महरेजले गोल गर्दै सिटीको अग्रता ४-० को बनाए।
त्यसपछि खेलको इन्जुरी समयमा ब्रुएनले व्यक्तिगत दोस्रो गोल गर्दै सिटीलाई ५-० को फराकिलो जित दिलाए।
जितसँगै सिटीले दोस्रो स्थानमा रहदै याे सिजन सकाएको छ।
सिटीले यस सिजन ३८ खेलमा ८१ अंक जोड्यो।
नर्विच भने २१ अंक सहित पुछारमा रह्यो।
