सडक दुर्घटनामा परि घाइते भएका क्रिकेट खेलाडी ललित सिंह भण्डारी डिस्चार्ज भएका छन्।
मंगलबार ग्रान्डी अस्पतालबाट उनी डिस्चार्ज भएका हुन्।
गत भदौ २८ मा झलारी बजारमा ललित र उनका नातेदार करण ठगुन्ना सवार मोटरसाईकललाई ट्रकले ठक्कर दिँदा गम्भीर घाइते भएका थिए ।
दुर्घटनामा परि ललितको दायाँ हात, खुट्टा, टाउको र छातीमा चोट लागेको थियो । हातको कुम, एंकल लगायतका भागहरुमा चोट लागेको थियो ।
ललितलाई धनगढीको निसर्ग अस्पताल हुँदै राती नै बाँकेस्थित कोहलपुर शिक्षण अस्पतालमा उपचार ल्याइएको थियो ।
कोहलपुरमा उनको पूर्ण उपचार हुन नसकेपछि उनलाई सिम्रिक एअरको हेलिकप्टरमार्फत ग्राण्डीमा ल्याइएको थियो ।
उनको हातको तीन भाग र खुट्टाको एक भागमा शल्यक्रिया भएको छ।
.jpg)
.JPG)
