स्टार्टअपलाई झुलाउँदै सरकार, अनुदानको लोभ देखाएर ऋणमा फसाउँदै

रातोपाटी

काठमाडौँ
तस्बिर : रातोपाटी

 

एलिजा उप्रेती

स्टार्टअप अनुदानका लागि आवेदन दिनेहरुले अनुदान रकम नपाउने भएका छन् । सरकारले स्टार्टअप पुँजीका लागि आवेदन मागको समय पटक पटक थप गरे पनि अन्त्यमा अनुदानका लागि माग भएको आवेदनले काम नगर्ने भएको छ । सरकारले पहिलो पटक वैशाख २९ गते नवप्रवर्तन सुरुवाती अनुदान पुँजी प्रस्ताव गर्न आह्वान गरेको थियो । जसमा जेठ २७ गतेसम्म आवेदन दिन सकिने समय थियो । तर  कोभिडको कारण देखाउँदै असोज मसान्तसम्म आवेदनको म्याद थपियो । यस आवेदनका लागि भने २ प्रतिशत ब्याजदरमा ऋण लिने गरी आवेदन माग भयो । ऋणमा दिने नवप्रवर्तन पुँजीका लागि निर्धारित समयमा नै कार्यविधि बन्न नसकेपछि पुनः समय थप गरिएको छ । कात्तिक मसान्तसम्म म्याद थपिएको सूचना राष्ट्रिय योजना आयोगले प्रकाशित गरेको छ ।

योजना आयोगका सदस्य डा. रकमकुमार फुयाल कोभिडले अर्थतन्त्रमा सङ्कुचन आएपछि अनुदान भनेर आएको नवप्रवर्तन पुँजी ऋणमा दिनुपर्ने अवस्था आएको र त्यसका लागि नयाँ कार्यविधि बनाउनुपर्ने भएकाले समय थप गरिएको बताउँछन् । आयोगले मन्त्रिपरिषदमा तीन महिना लगाएर बनाएको कार्यविधि पठाएको छ । तर मन्त्रिपरिषदबाट सो कार्यविधि पास हुन सकेको छैन ।

उनी भन्छन्, ‘अहिले म्याद थप गरेको भनेको नयाँ आह्वान गरेको होइन, नयाँ कार्यविधिको फ्रेमभित्र रहेर पुराना आवेदकको मूल्याङ्कन गर्नुपर्ने हुन्छ । कात्तिक मसान्तसम्म मूल्याङ्कनको फ्रेम बनाउने समय थप गरेको हो । नयाँ आह्वान गरेको होइन ।’

प्रकाशित मिति: : 2020-11-03 08:38:00

प्रतिकृया दिनुहोस्