त्रिकोणात्मक टी–२० क्रिकेट सिरिजमा नेपालले मलेसियालाई पराजित गरेको छ।

नेपालले मलेसियालाई ६८ रनले पराजित गरेको हो। यो सँगै नेपाल सिरिजको शीर्षस्थानमा रहँदै फाइनलमा पुगेको हो।

त्रिवि क्रिकेट मैदानमा नेपालले दिएको २ सय १८ रनको लक्ष्य पछ्याएको मलेसिया १९.१ ओभरमा १ सय ४८ रनमा अलआउट भयो।

मलेसियाका अहमद फैजले ३१ रनको योग्दान गरे। भिरन्दिप सिंहले १३ रन बनाउदा अनवर अरुबिन्ले ६, साद अजिज ४ र सार्भिन्ले ३ रन बनाए।

नेपालका लागि सन्दीप लामिछाने, सोमपाल कामी र कमलसिंह ऐरीले३-३ विकेट लिए। सुश्हन भारीले १ विकेट लिए।

यसअघि पहिले ब्याटिङ गरेको नेपालले  निर्धारित २० ओभर खेल्दै ७ विकेट गुमाए २ सय १७ रन बनायो।

नेपालका लागी कुशल भुर्तेललाई १६ रनको योगदान गरे। आसिफ शेखले ४२ तथा करण केसीले ४५ रन जोडे। करणले १३ बल खेल्दै ७ छक्का प्रहार गरे।

कप्तान ज्ञानेन्द्र मल्लले २० रन बनाए। दीपेन्द्रसिंह ऐरीले ३३ रन बनाए।

मलेसियाका लागि अनवर रहमान र फित्री सामले २–२ विकेट लिए । नेपालले शनिबार नेदरल्यान्डससँग फाइनल खेल्नेछ।