पुरोहित भीमप्रसाद पराजुली ७८ वर्षका भए । पहिलो लहरको कोरोनाकालमा उनी कर्मकाण्डका दैनिकजसो पशुपतिनाथ आउँथे र कर्मकाण्ड गर्थे । लकडाउनपछि उनी आक्कल–झुक्कलमात्रै पशुपति आउँछन् । सोह्र श्राद्ध सुरु भएकाले लामो अन्तरालमा सोमबार उनी पुनः पशुपतिमा झुल्किए ।

पशुपतिनाथ मन्दिर बाहिर यजमानहरुको कर्मकाण्ड र पूजापाठमा सहभागी हुने पुरोहितहरू प्रशस्तै देख्न सकिन्छ । उनीहरू बाटो छेउमा पलेँटी मारेर लस्करै बसेका हुन्छन् । भक्तजनहरूलाई टीका लगाइदिन्छन् र दक्षिणा थाप्ने गर्छन् । यसरी प्राप्त गर्ने दक्षिणा नै उनीहरूको जीविकोपार्जनको स्रोत हो ।