हात्तीले घाइते बनाएका मन्सुरी र पूजा:
इटहरी: कोशीटप्पु वन्यजन्तु आरक्षबाट २ किलोमिटरको दूरीमा छ मोहम्मद बसिर मन्सुरीको घर। उनी आरक्षका वन्यजन्तुबाट पीडित कृषक हुन्।
तर वन्यजन्तुप्रति उनको प्रेम कहिल्यै कमी भएन। जंगलमा खान नपाएर गाउँमा आएका वन्यजन्तुको पनि बचाउमै लागे उनी।
हात्ती र अर्नाको आक्रमणले लामो समयदेखि पीडा पाएका उनका छिमेकी दुखी छन्। मन्सुरी भने वन्यजन्तुलाई चलाउन नहुने तर्क गर्छन्।
तर मन्सुरी नै हात्तीको निशानामा परे। मृत्युको मुखमै पुगेर बचे। यद्यपि, उनको वन्यजन्तुप्रतिको प्रेममा कतै पनि कमी भएको छैन।
