हामीले बजारबाट किनेर खाँदै आएका अधिकांश तेल र प्याकिङ गरिएका खानेकुरा ट्रान्सफ्याटयुक्त छन् जसको अत्यधिक प्रयोगले कम उमेरमै घातक रोगहरू लागेर थुप्रैको ज्यान जाने गरेको छ।
हानिकारक तेलयुक्त परिकारको अत्यधिक सेवनले थुप्रै नेपालीलाई कम उमेरमै हृदयाघात, मस्तिष्कघात, उच्च रक्तचाप, मधुमेह, मोटोपन लगायत रोग देखिन थालेका छन्। यसकै कारण अस्पताल-क्लिनिकमा मुटु र मिर्गाैला सम्बन्धी समस्या लिएर आउनेहरूको सङ्ख्या हरेक वर्ष बढिरहेको चिकित्सकहरूको अनुभव छ।
