घोराहीबाट प्रहरीले जुवा खेलिरहेको अवस्थामा ११ जनालाई पक्राउ गरेको छ। अवैध रुपमा जुवा खेलिरहेको भन्ने गोप्य सुचनाको आधारमा गएको प्रहरी टोलीले उनीहरुलाई शनिबार दिउँसो ४ बजे घोराही उपमहानगरपालिका वडा नं १५ मा रहेको न्यु सुप्रिया होटल एण्ड लजबाट पक्राउ गरेको प्रहरीले बताएको छ।
पक्राउ पर्नेमा होटल सञ्चालक अर्घाखाँची सन्धिखर्क नगरपालिका वडा नं ८ का ५२ वर्षीय गोपाल बहादुर कुँवर, रोल्पा रुन्टीगढी गाउँपालिका वडा नं ७ का ३४ वर्षीय सरोज पुन, रुन्टीगढी गाउँपालिका वडा नं ५ का ३६ वर्षीय घनश्याम वली, घोराही उपमहानगरपालिका वडा नं ५ का ३० वर्षीय कृष्ण बहादुर रावत, वडा नं १३ का ३९ वर्षीय मन बहादुर खड्का रहेको जिल्ला प्रहरी कार्यालय दाङले जनाएको छ ।
त्यसैगरी घोराही १६ का ३५ वर्षीय रेशम बहादुर कँवर, वडा नं १३ का ४५ वर्षीय खेमराज गिरी, वडा नं ८ का ४२ वर्षीय काशिराम भट्राई, वडा नं १५ का ५५ वर्षीय भुप बहादुर केसी, वडा नं ६ का ३० वर्षीय युुवराज केसी र प्युठान नगरपालिका वडा नं ५ का २८ वर्षीय जीवन नेपाली रहेको प्रहरीले जनाएको छ। उनीहरुको साथबाट प्रहरीले २ लाख २१ हजार तीनसय नगद र जुवा खेल्न प्रयोग भएको सात गड्डी तास समेत बरामद गरेको छ।प्रहरी अनुुधान भैरहेको थप विवरण आउनबाकिँ छ।
