काठमाडौंको नागार्जुन नगरपालिका वडा नम्बर ६ डाँडापौवामा एकै परिवारका ५ सदस्यले विष सेवन गरेको घटनामा नयाँ तथ्य बाहिर आएको छ । उक्त घटनामा आर्थिक कारण जोडिएको पाइएको हो ।
डाँडापौवामा फ्ल्याट लिएर बस्ने ३८ वर्षिय भीममान प्रधान, उनकी श्रीमती ३५ वर्षिया मन्दिरा प्रधान, आमा ६२ वर्षीया इन्दिमाया प्रधान, छोरी ११ वर्षीया सुप्रिया प्रधान र भतिजो ३३ वर्षको सुवर्णमान प्रधान सोमवार बेलुका विष सेवन गरेको अवस्थामा फेला परेका थिए ।
सुस्त मनस्थितिका भतिज सुवर्ण भीममानको परिवारसँगै बस्दै आएका थिए । उनको मृत्यु भइसकेको छ भने परिवारका बाँकी सदस्यहरू चिन्ताजनक अवस्थामा आईसीयूमा छन् ।
