सार्वजनिक स्थलमा हिँड्दा मानिस डराएर भाग्थे
मुरलीधर मिझार नेपाली कलाक्षेत्रमा चिनाइरहनुपर्ने नाम भने होइन । व्यक्ति एक भए पनि उनी प्रतिभा खानी हुन् । लेखक, निर्देशक, गायक, सङ्गीतकारको अलवा उनी कलाका थुप्रै विधामा पोख्त छन् । ‘उडायो सपना सबै हुरीले...’ यो गीत नसुन्ने सायदै नेपाली होलान् । यो पनि उनै मुरलीधरको शब्द सङ्गीतमा आएको हो ।
धेरै चर्चित गीत दिएका मुरलीधर नेपाली फिल्म नगरी र बलिउडका शान पनि हुन् । थुप्रै नेपाली र बलिउड फिल्म अभिनय गरेका मुरलीधरका मैथिली, भोजपुरी, पञ्जाबी, मराठी र गुजराती भाषामा दर्जनौँ कर्णप्रिय गीत रेकर्ड छन् ।
पछिल्लो समय बलिउड फिल्म अभिनय छोडेर नेपाली फिल्म मात्र अभिनय गरिरहेका मुरलीधर नेपाली फिल्ममा दोहोरो भूमिका निर्वाह गर्ने चाहना राख्छन् । फिल्म ‘मिस्टर इन्डिया’मा आफ्नो भूमिका काँटछाँट भएपछि चित्त दुखाइका कारण बलिउड फिल्म अभिनयबाट बाहिरिएका मुरलीधरको जीवनका विभिन्न पाटा रातोपाटीको ‘मेरो जीवन’ स्तम्भमा उनकै शब्दमा ।
