दक्षिण एसिया अहिले अभूतपूर्व बहुआयामिक संकटसँग जुधिरहेको छ । सन् २०२० देखि २०२२ दुई वर्षको अवधि दक्षिण एसियाली देशहरूका लागि विनाशकारी रह्यो । विशेष गरी, यस अवधिमा कोरोनाभाइरस महामारी र तनावपूर्ण भूराजनीतिक परिस्थितिले दक्षिण एसियाली क्षेत्रको अर्थतन्त्रलाई नराम्ररी असर गरेको छ ।
दक्षिण एसियाका अधिकांश देशले राजनीतिक र आर्थिक संकटको सामना गरिरहेका छन् । श्रीलंका र अफगानिस्तान आर्थिक संकटसँगै राजनीतिक संकटबाट गुज्रिएका दुई देश हुन् । साथै पाकिस्तान, बंगलादेश, नेपाल, माल्दिभ्सलगायत देश आर्थिक कठिनाइसँग जुधिरहेका छन् ।
