त्रिभुवन अन्तर्राष्ट्रिय विमानस्थलमा थाई एयरले गर्दै आएको सेल्फ ग्राउण्ड ह्याण्डलिङ सेवा छाडेको छ।
नेपाल वायुसेवा निगमसँग ग्राउण्ड ह्याडलिङ्ग सेवा लिन चाहेकाले थाई एयरले सेल्प ग्राउण्ड ह्याण्डलिङ सेवा छाडेको हो।
थाई एयरले आफ्नो सेवा र उपकरण नेपाल एयरलाइन्सलाई हस्तान्तरण गरेको छ।
नेपाल सरकारले थाइ एयरवेजसँग रहेका ८० थान उपकरणहरु निगमको स्वामित्वमा रहन ३ साउन २०८० मा स्वीकृति दिएको थियो।
सोही अनुसार ती उपकरणमा निगमको हक रहने गरी ३० मंसिरमा हक हस्तारन्तरण सम्झौता सम्पन्न भएको नेपाल वायु सेवा निगमले जनाएको छ।
निगम र थाइ एयरवेजबीच २९ अक्टोबर २०२३ मा त्रिभुवन विमानस्थलको ग्राउण्ड ह्याण्डलिङ गर्नेबारे सम्झौता भएको थियो।
.JPG)
